Seven Seas
Seven Seas

منتدى يهتم بأهتمامات الشباب والأسرة الشرقية

بحـث
 
 

نتائج البحث
 


Rechercher بحث متقدم

المواضيع الأخيرة
» البحر يعاااالج الأكتئاب
السبت فبراير 15, 2014 2:45 am من طرف Dr mohamed Zeweil Magdy

» لمـــــــاذا
الثلاثاء أبريل 02, 2013 12:09 pm من طرف alshimaa

» *على اسم مصر*
السبت مايو 21, 2011 11:17 pm من طرف عروسة البحر

» العصفور الذى ابكى الملايين !!!
السبت مايو 21, 2011 10:32 pm من طرف عروسة البحر

» احمد المسلمانى
الخميس مايو 05, 2011 3:27 am من طرف nary

» قصة حب وكذبة العمر
الأربعاء مارس 09, 2011 2:12 am من طرف nary

» English proverbs
الإثنين مارس 07, 2011 2:53 am من طرف nary

» أسهل "100" جملة "إنجليزية" مترجمه بالعربيه !!
الإثنين مارس 07, 2011 2:48 am من طرف nary

» كلمات انجليزيه خطيرة احذروهاااااااااااااااا
الإثنين مارس 07, 2011 2:33 am من طرف nary

التبادل الاعلاني

أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

جن وشخص ملبوس .. المفروض نعمل ايه؟

استعرض الموضوع السابق استعرض الموضوع التالي اذهب الى الأسفل  رسالة [صفحة 1 من اصل 1]

1 جن وشخص ملبوس .. المفروض نعمل ايه؟ في الأربعاء سبتمبر 09, 2009 6:14 pm

Dr mohamed Zeweil Magdy


عضو مميز
عضو مميز
الحمدوالشكر ليك يارب انا بلا مشاكل.. اكيد مش خالية تماما بس الحمدلله مفيش حاجة حاليا معذباني

الي خلاني اجي هنا بس واكتب العنوان الي شفتوه ده اني دخلت من شوية شات المطلقات ربنا يبعد عنا جميعا اي شر.. وشفت قصة الاخت خوخه رودي

ان زوجها الله يعافيه عليه واحده عاشقة ومش عايزة تسيبه

كنت هبعتلها رسالة بس معرفتش بصراحه من عضويتي فقلت اجي هنا انقلها الرسالة افضل

من سنتين تقريبا دخلت العيلة عندنا في قصة الجن والعفاريت.. كنا كلنا متأكدين ان فيه سحر او حاجة معمولة لينا.. وقف زواج اختي ووقف حمل اختي التانية وكوابيس بشعة كانت بتطارد اخواني الاتنين وامي كانت اكتر شخصية تعبانة فينا

المهم تعبنا بجد لحد ماقلنا لازم نشوف حد يشوف القصة دي

رحنا لاحد الشيوخ من الي بيسموا نفسهو المعالجين بالقرآن.. واخذنا باع طويل من العلاج بالحجامة وبالقرآن وبالرقي الشرعية والاغتسال بمنقوع اوراق السدر وحاجات طويلة وعريضة كده

المهم كنا حاسين بتحسن جامد فعلا.. وكنا متابعين قناة الراية وعليها شبخ كده مش فاكره اسمه ايه كان بيعد يتكلم علي المواضيع دي.. وعلي قناة الحكمة الشيخ الزغبي وحلقاته العالم الاخر

المهم صادف من معارفنا اخو الشيخ محمد عبدالملك الزغبي.. اخوه الشيخ احمد.. وهو صاحب اغلب الكتب الي الشيخ محمد بييجي يتكلم عنها في برامجه.. المهم الشيخ احمد جالنا واتكلم معانا باستفاضه كبييرة اوي في الموضوع ده... اتضح ان كلللللل اليييي اتعرضناله ده هبللللللللل هبللللللللل هبللللللللللللل

كنا متأكدين انه مش غلط لان الشيخ المعالج مكانش بياخد فلوس كمان مكناش بنعمل اي حاجة فيها طلاسم ولا حاجة ممكن تبقي سحر وتكون فيها حرمانيه ..كله كان حاجات عادية ومفسرة بالقرآن

بس ساعتها الشيخ احمد جاب كتاب ضلالات المعالجين بالقرآن
لقينا كمية ضلالات لا حد لها ولا حصل... وكان الشيخ حلبسه( سميناه كده بعد ماعرفنا انه كله هبل ) بيقولنا ان الست الوالدة عليها مارد جبار وهو من اعتي انواع الجن واننا اتولدنا واحنا معانا ابناء المارد ده وعلينا مس اثر ومعرفش مس اصل وحاجات كتير كده... وكان العلاج المفروض يستمر قرابة العام وحجامه كل شهر وشغلانة
ولما تسمعوا الرقية هتلاقوا الم وكل ماتيجي سيرة القرآن هتتجننوا وصداع وتعب وحاجات كتير.. انا مثلا كان بيقولي ان السكن بتاع الجني في عينيا.. عشان كده كنت بحس بحرقان في عينيا كل ماجي ناحية القران وكده.. اختي كانت في دراعها وكان بيوجعها جدا مع سماع الرقية..

المهم ده كله كان كلام الشيخ حلبسه.. الشيخ احمد الله يجازيه كل خير فسر الموضوع ده بحاجة واحده بس.... القرين

كل بني ادم منا له قرين.. الي هو الشيطان المصاحب ليه
والقرين ده عنده غية انه يلعب بالناس لعببببببب

واتضح انه اي حاجة احنا بنتوقعها تحصل هو بيقوم عاملها.. واتضح ان تأثير الشيطان مش بس وسوسة في الراس وفي القلب.. ليهم كمان تأثيرات عضوية الا من رحم ربي

حتي كان الشيخ محمد الزغبي علي قناة الحكمة مع المهندس اسامة عبدالوارث حكي قصة .. عن واحد جاله وقاله ياشيخ انا عليا جني.. كل ماحد يقرأ عليا آية الكرسي 21 مرة يحضر ويجيني يعفرتني معاه.. اعمل ايه ياشيخ؟؟
راح الشيخ محمد قال انا فكرت في حيلة.. قلت خلاص انا قرأ عليك واشوف الجني ده عشان يحضر واتكلم معاه.. المهم بيقول انا في نفسي قلت مش قارئ لا اية ولا غيرو ولا حتي مستعيذ بالله.. وقعدت اتمتم بكلام ملوش معني و اوهمت الراجل اني بقرأ واني خلاص خلصت.. لقيته اتعفرت واتجنن.. قاله انت اتعفرت ليه؟ قاله عشان قرأت عليا اية الكرسي 21 مرة.. قاله انا مقرأتش ده قرينك الي بيهيألك انك اساسا ملبوس ومش عارف ايه
... بعد لقاءنا مع الشيخ احمد وصفلنا طريقة ( الي اذكره عنها انها كانت طريقة السيدة عائشة في التخلص من سحر وقعت فيه من احد خادماتها) وكانت اننا نجيب 3 حفان مياه اي مايساوي ثلاث قبضات يد من 3 ابيار مختلفة علي خط واحد... وعشان احنا الوقتي معندناش ابيار فقالنا تشوفو اي 3 طربمات مية قريبين من بعض وهاتو من كل واحده 3 قبضات مية.. يعني معانا كله 9 كبشات مية

ونييجي بدون استحمام ونمسح بيهم الجسم كله كله .. وبس.. وبإذن الله نبرأ..

ومن بعدها بإيمان ان القصص الي فاتت دي كلها كانت هبل وهراء وتهريج ملوش اي لزمة.. وبإيمان تام ان الواحد يقدر يقهر قرينه بالذكر كل المواضيع دي راحت لحالها.. وبعدها بكذا شهر اختي تزوجت الحمدلله واختي التانية علي وشك الانجاب واشقائي الاتنين نسيوا خالص موضوع الاحلام ده

عارفه ان كتير منكم هيستغرب القصة دي جدا جدا.. بس والله العظيم حصلت وبدون اي زيادة

مكنتش هفكر احكيها لولا قصة اختي خوخة.. وكان غرضي منها اننا ناخد بالنا كويس اوي من ضلالات المعالجين بالقرآن.. واننا ممكن ندخل في متاهات لا حصر لها ولا عدد وكلها بدون اي فايدة.. وموضع العفريت العاشق الي علي زوجك ده ملوش اي اساس من الصحة علي حسب كلام الشيخ احمد.. وانه لازم يكون بيصرع ومعرفش بيعمل ايه

خلاصة الكلام انا كده خلاص .. اخر حاجة هقولها عشان نتحصن من الهم ده كله بس هي اذكار الصباح والمساء واية الكرسي واذكار قبل النوم والله خير حافظ وهو ارحم الراحمين

2 رد: جن وشخص ملبوس .. المفروض نعمل ايه؟ في الأحد سبتمبر 20, 2009 11:48 am

yosra


عضو جديد
عضو جديد
rbna yr7mna game3n

3 رد: جن وشخص ملبوس .. المفروض نعمل ايه؟ في الأحد سبتمبر 20, 2009 3:54 pm

Dr mohamed Zeweil Magdy


عضو مميز
عضو مميز
yosra كتب:rbna yr7mna game3n
يا رب يا يسرا يحمينا من الجن

4 رد: جن وشخص ملبوس .. المفروض نعمل ايه؟ في الخميس سبتمبر 24, 2009 9:28 pm

nary


Admin


_________________

By nary1984




http://sevenseas.ba7r.org

استعرض الموضوع السابق استعرض الموضوع التالي الرجوع الى أعلى الصفحة  رسالة [صفحة 1 من اصل 1]

صلاحيات هذا المنتدى:
لاتستطيع الرد على المواضيع في هذا المنتدى